Ötən həftə "Los Angeles Weekly" jurnalında musiqi dünyasının 20 ən yaxşı seksual nümayəndəsinin adı açıqlanıb. Bu reytinqi təşkil edənlər elə çətinliklə üzləşməyiblər, çünki namizəd müğənnilər son 10 ilin ən populyar təmsilçiləridirlər.Beləliklə, TOP-20-in lideri Livan əsilli, kolumbiyalı müğənni Şakira seçilib. Tam adı Şakira İsabel Mübarək Rippol olan sənətçi 1977-ci il fevralın 2-də Kolumbiyada doğulub. Ərəb dilindən tərcümədə onun adı “minnətdarlıq”, hind dilindən isə “Nur ilahəsi” mənasını verir.Müğənni nəinki musiqiləri, eyni zamanda xeyriyyəçilik fəaliyyəti ilə də məşhurdur. O, 1997-ci ildə Fundacion Pies Descalzos (Ayaqyalınlar fondu) xeyriyyə təşkilatını yaradıb. İfaçı 2010-cu ildə uzun illər kasıb ailələrdən olan latınamerikalı uşaqlara etdiyi yardıma görə Beynəlxalq Əmək Təşkilatının medalı ilə təltif edilib.20-yə Britni Spirs, Beyons, Avril Lavin, Şirli Menson, Madonna, Cennifer Lopez, Teylor Svift, Kortni Lav və 80-ci illərin ulduzu Samanta Foks düşüb. Son illərin məşhurlarıdan isə Debbi Harri, Niko, Stivi Niks, Qreys Cons da ən seksual müğənnilər sırasındadırlar.Məlum olmayan səbəblərdən bu siyahıya populyar müğənni Rihanna düşməyib. Lakin ötən ilin oktyabr ayında "Esquire" jurnalı bu müğənnini planetin ən seksual qadını seçmişdi.
