Dünən Xəzər TV-də yayımlanan "Səni axtarıram" verilişində dünyasını dəyişən məşhur ginekoloq Səbinə Mirzəyevanın qəfil ölümündən bəhs olunub.
Ginekoloqun yaxın rəfiqəsi psixoloq Narınc Rüstəmova onunla srağagün konfransda görüşdüklərini bildirib. Rəfiqəsinin çox xeyirxah biri olduğunu bildirən Narınc Rüstəmova göz yaşlarına hakim ola bilməyib.
Qeyd edək ki, "Baku Medical Plaza”nın Qadın xəstəlikləri və Doğum Şöbəsinin cərrah mama-ginekoloqu Səbinə Mirzəyeva bu gün qəflətən dünyasını dəyişib. Bu barədə "Baku Medical Plaza”nın plastik cərrahı Sirus Qoçqani məlumat verib. Onun sözlərinə görə, həkimin qəflətən təzyiqi qalxıb, beyninə qan sızıb və vəfat edib./ GoldNews
