"Telegram"ın təsisçisi Pavel Durov Rusiya hakimiyyətinin "telegram"ı məhdudlaşdırmaq qərarına münasibət bildirib.
AZXEBER.COM xarici mətbuata istinadən xəbər verir ki, onun sözlərinə görə Rusiya hökumətinin bu qərarı vətəndaşların nəzarət və siyasi senzura üçün dövlətə məxsus və dövlət tərəfindən idarə olunan tətbiqə keçməyə vadar etməsi ilə əlaqədardır.
"Rusiya vətəndaşları nəzarət və siyasi senzura üçün dövlətə məxsus və dövlət tərəfindən idarə olunan tətbiqə keçməyə məcbur etmək məqsədilə "Telegram"a girişi məhdudlaşdırıb. "Telegram" təzyiqdən asılı olmayaraq söz azadlığını və şəxsi həyat hüququnu müdafiə edir", - Durov şəxsi "Telegram" kanalında yazıb.
Roskomnadzor bildirib ki, agentliyin məlumatına görə, xidmət istifadəçi məlumatlarının lokallaşdırılması ilə bağlı qaydalar da daxil olmaqla, qanuni tələblərə əməl etmədiyi üçün məhdudiyyətlər tətbiq etmək niyyətindədir.
Lakin ekspertlər tənzimləyicinin hərəkətlərini əvvəllər "milli" tətbiq elan edilmiş Max messencerinin təşviqi ilə əlaqələndiriblər.
Aysel
