Egey dənizinin Santorini adasında artan seysmik aktivliyə görə çox sayda insan bölgəni tərk etməyə başlayıb.
AZXEBER.COM xarici mediaya istinadən xəbər verir ki, güclü zəlzələ olacağından narahat olan ada sakinləri Yunanıstanın paytaxtı Afinaya üz tutublar, adayı tərk edə bilməyənlər isə gecəni maşınlarında keçiriblər.
Başda Santorini olmaqla Ege adalarında artan seysmik aktivlik və Afina Geodinamik İnstitutunun məlumatına görə 24 yanvardan bu yana bölgədə baş verən 380-dən çox kiçik zəlzələ mütəxəssisləri və hökuməti hərəkətə keçirməyə sövq edib.
Ehtiyat tədbiri olaraq, Santorini də daxil olmaqla dörd adada məktəblərdə təhsil bir günlük dayandırılıb, mədəni tədbirlər ləğv edilib və qapalı ərazilərdə toplaşmamaq barədə əhaliyə xəbərdarlıq edilib.
Cəmalə
