Türkiyənin keçmiş Baş naziri Əhməd Davutoğlu "Prezidentə təhqir” ittihamı ilə başlanan istintaq çərçivəsində ifadə vermək üçün Ankara Ədliyyəsinə gəlib.
AZXEBER.COM Türkiyə mətbuatına istinadən xəbər verir ki, Ankara Baş Prokurorluğu sosial şəbəkələrdə Türkiyə Prezidenti Rəcəb Tayyib Ərdoğana təhqir xarakterli olduğu qiymətləndirilən paylaşımlarla bağlı Davutoğlu barəsində Türkiyə Cinayət Məcəlləsinin 299/1-ci maddəsi əsasında araşdırma başladıb.
Davutoğlu istintaq çərçivəsində şübhəli şəxs qismində ifadə verir. Məlumata görə, o, sentyabrın 7-də saat 15:00-da Ankara Ədliyyəsinə gəlib.
Qeyd edək ki, Ankara Baş Prokurorluğu sentyabrın 3-də Davutoğlu haqqında "Prezidentə təhqir” ittihamı ilə istintaq başladığını açıqlamışdı. Araşdırmanın sosial mediada yayılan və təhqir xarakterli olduğu bildirilən ifadələrlə bağlı aparıldığı qeyd olunub.
Gülay
