Bir müddətdir birgə görünməyən Eldar və Nigar məhz Rusiyanın paytaxtı, soyuq Moskvada eyni səhnəni bölüşüb. Duet ortaqlarının növbəti dayanacağı isə Türkiyənin Ankara şəhəri olacaq. Səfərin məqsədi Türkiyədə keçiriləcək Ümumdünya İstefaya çıxmış zabitlərin festivalında çıxış etməkdir.Festival Türkiyə İstefaya çıxmış Zabitlər Dərnəyinin təşkilatçılığı ilə baş tutacaq. 17-20 oktyabr tarixlərində Ankarada keçirilməsi nəzərdə tutulan tədbirin məqsədi ölkələr arasında dostluq əlaqələri inkişaf etdirmək və dünyada sülhün inkişafına nail olmaqdır.Festivala müxtəlif ölkələrin peşəkarları qoşulacaq. Festivalın xüsusi qonaqları qismində Azərbaycanın “Eurovision” qalibləri Eldar Qasımov və Nigar Camal çıxış edəcək. Qalib duetin çıxışı 19-20 oktyabrda baş tutacaq.Ell/Nikki festivalın sonuncu günündə çıxış edəcək və öz müsiqi proqramlarıını təqdim edəcək. Təşkilatçılar “Eurovision-2011” qaliblərinə TEMAD-ın mükafatını verəcək.