“Bir sıra beynəlxalq təşkilatların iclaslarında Azərbaycan hakimiyyətinə yönəlik bəyanatların səsləndirilməsi artıq “norma”ya çevrilib. Belə bir vəziyyətin qarşılığında təbii ki, Azərbaycan iqtidarı da beynəlxalq təşkilatlardan gələn təzyiqlərə cavab verməkdədir. Beynəlxalq təşkilatlar bu “savaşda” Azərbaycanda öz təsirində olan və ələ aldığı vətəndaş cəmiyyəti nümayəndələrindən, siyasi partiyalardan da məharətli istifadə etməkdədirlər”.
Azadinform agentliyinə daxil olan məlumatda bildirilir ki, Azərbaycan dövləti ilə bağlı əsas məlumatları beynəlxalq təşkilatlara ötürən AXCP sədrinin Beynəlxalq məsələlər üzrə müavini Razi Nurullayevdir.
Mənbə bildirir ki, R.Nurullayevin Azərbaycanla bağlı məlumat ötürmədiyi beynəlxalq təşkilat qalmayıb. Bu haqda məlumat da məhz Əli Kəriminin müavinin yaxın çevrəsindən sızdırılıb. Hətta bununla bağlı ona AXCP mənsubu olan gənclərdən ibarət xüsusi şəbəkənin ciddi dəstək verdiyi də deyilir. R.Nurullayevin tez-tez xarici səfərlər etməsi də bilavasitə bu səbəbdən irəli gəlirmiş.
