Xalq Cəbhəsi Partiyasının (AXCP) sədri Əli Kərimlinin müşaviri, tanınmış jurnalist Rəsul Mirhəşimli vəzifəsindən və təşkilatdan istefa verib.
AZXEBER.COM xəbər verir ki, AXCP-dən getməyi barədə hər hansı açıqlama ilə çıxış etməyən R.Mirhəşimli keçmiş partiyadaşlarından birinin ona yönəlik qeyri-etik davranışından sonra bu barədə özünün “Facebook” səhifəsində yazıb.“Bunu yazmaq istəməzdim. Uzun tərəddüddən sonra yazmaq qərarına gəldim. AXCP sıralarından çıxandan bir neçə gün sonra küçədə partiya rəhbərliyində olan biri ilə qarşılaşdım.Üzünü çevirib, salam vermədən keçdi yanımdan. Adam, mən partiyadan çıxdım, sən insanlıqdan çıxmısan! Həm də AXCP-ni tərk etməyim sakitcə, heç bir mətbuat orqanına açıqlama vermədən, xüsusi bəyanatla çıxış etmədən olub.Sənin kimlərin və hansı qurumun qarşısında öhdəliyinin olduğunu mən bilirimsə, bunu bilən başqaları da var. Özünü yüksəkdə sayıb, bu qədər urvatsız olma!Bu təşkilatda fəlakət o zaman başladı ki, 4-5 nəfər istisna olmağa, rəhbərliyə qaragüruhçular, “bizimlə olmayan bizə düşməndi” düşüncəsini həyat tərzinə çevirənlər, başqaları qarşısında öhdəliklər götürənlər yığışdı. Bu da təşkilatı Azərbaycan siyasi tarixinin keçmişinə çevirdi, gələcəyinə deyil...Bu təşkilatda olduğum 25 ilin heç bir gününə peşman deyiləm, təşkilatın sıralarını tərk etdiyimə də...”