Milli Məclisdə, Ombudsmanın hesabatının müzakirəsi zamanı ölkədə uşaqpulunun bərpası məsələsi yenidən gündəmə gətirildi.
AZXEBER.COM Musavat.com-a istinadən xəbər verir ki, deputat Əli Məsimli çıxışında bu barədə təklif verdi: "Əgər biz uşaqpulunu bərpa edə bilsək, yardıma ehtiyacı olan insanların çoxunun problemini həll etmiş olarıq”.
Ə.Məsimli həmçinin adına kiçik torpaq sahəsi olan şəxslərə 190 manatlıq birdəfəlik verilməsini də zəruri saydı. Deputat bundan əlavə, Azərbaycanda əlillərə verilən müavinətlərin artırılmasını vacib saydı.
