"Azərbaycan və İranı tarixi köklər birləşdirir və iki ölkənin münasibətlərini yaxşı qiymətləndiririk. Qardaş ölkələr arasında münasibətlər davam etdirilməlidir". Trend xəbər verir ki, bunu Azərbaycanın xarici işlər naziri Elmar Məmmədyarov iranlı həmkarı Məhəmməd Cavad Zəriflə danışıqların yekununa dair bildirib.
E.Məmmədyarov qeyd edib: "Mən həmkarımı Dağlıq Qarabağ münaqişəsinin tənzimlənməsi məsələsi barədə məlumatlandırdım. ATƏT-in Minsk qrupunun həmsədrləri Bakıda səfərdədirlər. Təəssüflər olsun ki, bu məsələdə heç bir irəliləyiş yoxdur. XİN həmsədrlərlə görüşlərdən sonra bəyanatla çıxış edəcək".
