Bu gün XXX London Yay olimpiadasında sonuncu cüdoçumuz tatami üzərinə çıxıb.AZXEBER.COM-un məlumatına görə, Elmar Qasımov 100 kq çəki dərəcəsində qüvvəsini sınayıb.Mübarizəyə 1/16 finaldan start verən E.Qasımov bu mərhələdə qazaxıstanlı cüdoçu Maksim Rakovla qarşılaşıb. Həmin görüş Bakı vaxtı ilə saat 13:30-da başlayıb. Görüşə yaxşı başlayan E.Qasımov yuka xalı ilə önə keçib. Bu üstünlüyünü sonadək qoruyan cüdoçumuz 1/8 finala yüksəlib.Artıq təmsilçimizin növbəti mərhələdəki rəqibi də bəlli olub. E.Qasımov 1/8 finalda gürcüstanlı Levan Jorjoliani ilə üz-üzə gəlib. Həmin görüş Bakı vaxtı ilə saat 14:33-də başlayıb.E.Qasımovun aktivliyi rəqibə iki xəbərdarlıqla nəticələnib ki, bu da sonda cüdoçumuza qələbə qazandırıb. Bu qələbə sayəsində Elmar 1/4 finala yüksəlib. Təmsilçimiz bu mərhələdə Cənubi Koreya cüdoçusu, 2003-cü ildə dünya çempionu olmuş Hvang Hi Ti ilə qarşılaşıb. Qarşılaşma Bakı vaxtı ilə saat 15:29-da başlanıb.Lakin rəqib yuka balı ilə hesabda önə keçib. Koreyalı cüdoçu artıq daha bir yuka balı qazanıb. Qarşılaşmada dönüş yarada bilməyən Elmar rəqibinə uduzub. Lakin Qasımov təsəlliverici görüşdə mübarizə aparacaq.
