"Mənim çəkildiyim elə bir film yoxdur ki, əlimi qoyub deyim ki, bu filimim uğurludur. Mən hələ ki, oynadığım ən yaxşı rolu oynamamışam. Dram janrında da oynamaq fikrim yoxdur, çünki özümü təsdiq etməyə ehtiyacım yoxdur" Bu sözləri AZXEBER.COM-a müsahibəsində tanınmış aktyor Elməddin Cəfərov deyib.
O deyib ki, Azərbaycanda ən böyük aktyor heyətinə malik aktyordur: "Azərbaycanda ən böyük komanda məndədir. Hazırda 36 nəfər aktyorla çalışıram. Ümumilikdə isə bu rəqəm 60-a çatır. Ən böyük komanda əslində bizdədir. İndinin özündə 4 komediya janrında film çəkirik. Sadəcə bunları reklam etmirik. Başımızı aşağı salıb öz işimizi görürük.Mən artıq serial sahəsində sözümü demişəm. Hər şeydə damcı olmaqdansa, bir şeydə mükəmməl olmağı daha üstün tuturam".
Elməddin Cəfərov həmçinin deyib ki, "Bozbaş Pictures"də məşhurlaşan Fəlakət obrazının ssenarisini onların komandasının üzvləri yazıb:
"Fəlakət"in obrazının ssenarisini kim yazıb? Heç bu barədə maraqlanmısız? "Fəlakət” obrazının ssenarisini bizim komandamız yazıb. "Bozbaş Pictures”in ssenarisini biz yazırıq, amma biz çəkmirik. amma biz çəkmirik. Onlar bizim dostlarımız və həmkarlarımızdır".
