Tanınmış müğənni Elnarə Xəlilovanın "Justice for Khojali” ("Xocalıya ədalət”) adlı mahnısına jest dilində klip çəkilib.
Müğənni layihəsi haqda AZXEBER.COM-a müsahibə verib:
- "Xocalıya Ədalət" mahnısının sözlərinə musiqini bəstələyərkən hansı hissləri keçirdiniz?
- Bəstələdiyim deməyək çünki bu söz bəstəkarlardan ayıbdır. Bu mənim ürəyimin səsidir, mən ingiliscə mətni oxudum orada Azərbaycan mətnində də gördünüz. Məqsədimiz bütün dünyaya Xocalı soyqırımını çatdırmaqdır. Mən sözləri oxuduqdan sonra o qədər təsirləndim ki, bir günün içində ona musiqi yazdım. Jest dili isə bütün dünyada olan məhdudiyyətli insanlara Xocalı soyqırımı haqqında məlumat verəcək. Ta ki, biz o torpaqları qaytarmayana qədər, orada şəhid olanların intiqamını, qanını almayana qədər mənim ürəyimdə o ağrı acı yaşayacaq.
- Sizin üçün vətənpərvərlik nə deməkdir?
- Mənim üçün vətənpərvərlik hər bir peşənin və işin sahibinin öz gördüyü işi şərəflə, ləyaqətlə, vicdanla həyata keçirməsidir. Yəni hər bir peşə sahibi öz işini layiqincə yerinə yetirsə, heç bir yerdə heç bir problem olmaz. İnanın mənə ki, əsl vətənpərvərlik budur.
- Siz özünüzü bu kriteriyalara uyğun hesab edirsiz?
- Mən də öz öhdəmə düşəni edirəm. Həm ana kimi, həm sosial fiqur, ictimai insan və musiqiçi kimi çalışıram əlimdən gələni edim ki, gənclərimizə yaxşı nümunə olum. Buna nə dərəcədə nail oluram, onu məni tanıyan deyə bilər.
- Mən də öz öhdəmə düşəni edirəm. Həm ana kimi, həm sosial fiqur, ictimai insan və musiqiçi kimi çalışıram əlimdən gələni edim ki, gənclərimizə yaxşı nümunə olum. Buna nə dərəcədə nail oluram, onu məni tanıyan deyə bilər.
- Sizcə bu günlər nə zaman yaşanacaq?
- Əlbəttə ümid heç vaxt ölmür. Allahdan ümid kəsilməz. Mən hər gün bütün müsəlmanlar üçün, bütün türk dünyası üçün dua oxuyuram. Hazırda o qədər baş verən haqsızlıqlar var. Xocalı 27 il bundan öncə olub, bəyəm indi dünyada müsəlmanları qırmırlar? O qədər haqsızlıqlar edirlər ki, bizə qarşı.
- Gələcəkdə də vətənpərvərlik mövzusu ilə bağlı layihələriniz olacaqmı?
- Əlbəttə, məndə bu günə kimi bir neçə layihə olub. Bundan sonra da inanıram ki, olacaq. Nə qədər mənim canımda can var, mən bunu edəcəm.
Tahirə Nur
AZXEBER.COM
