İstənilən məsələ ilə bağlı özlərini haqq-ədalət carçısı sayan bəzi müxalif liderlər nədən Dağlıq Qarabağ məsələsi ilə bağlı Avropa Parlamenti qarşısında məsələ qaldırmırlar?
AZXEBER.COM zxəbər verir ki, bunu Prezident Administrasiyasının (PA) Siyasi təhlil və informasiya təminatı şöbəsinin müdiri Elnur Aslanov Azərbaycan Respublikası Gənclər Təşkilatları Milli Şurasının (ARGTMŞ) bu gün keçirilən hesabat konfransında çıxışı zamanı bildirib.
O deyib ki, Avropada görüşlər keçirən bəzi şəxslər nədən Dağlıq Qarabağ məsələsi ilə bağlı və beynəlxalq ictimaiyyətini buna diqqətinin yönəldilməsi, yüksəldilməsi ilə bağlı bir mövqe ortaya qoymurlar?
“Nədən xaricdə ASAİF, Azərbaycan Gənclər Təşkilatları Milli Şurası və digər bu kimi təşkilatlar Dağlıq Qarabağla bağlı forumlar, konfranslar, aksiyalar, piketlər, diasporamızın nümayəndələri müxtəlif səfirlliklər qarşısında aksiyalar keçirə bilirlər, ancaq Azərbaycan hakimiyyətinin siyasətindən narazı olan qruplar bir dəfə də olsun fərqli mövqe ortaya qoymayıblar?
Biz demirik ki, narazı olan olmasın. Təbii ki, biz plüralistik, demokratik və azad fikirli olan cəmiyyətdə yaşayıq. Burada iqtidarın mövqeyini dəstəkləyən də ola bilər, fərqli mövqedən çıxış edən insanlar da ola bilər və olmalıdır da.
Bu normal haldır. Heç kəs eyni şəkildə, eyni istiqamətdə düşünə bilməz və düşünməməlidirlər də.
Lakin söhbət ümummilli məsələlərdən, mövqedən, məsuliyyətdən gedir. Nədən bəzi şəxslər həmin o məsuliyyəti, dövlətçilik anlamını başa düşmək istəmirlər”.
E.Aslanov bildirib ki, çox təəssüflər olsun ki, 20 ildən artıqdır ki, eyni yerdə yürüyən həmin o şəxslər və insanlar Azərbaycan dövləti, milli maraqları üçün, dövlətimizin inkişafı üçün nə bir təklif, nə bir konsepsiya, nə bir fəaliyyət ortaya qoymayıblar:
“İnanmıram ki, bundan sonra da qoyacaqlar”.
