- Elvin, bir ara oyunun alınmırdı, bütün matçlarda meydana çıxsan da əvvəlki kimi oynaya bilmirdin, buna səbəb nə idi?

Zədədən yeni qayıtmışdım, yəqin bununla bağlı idi formadan düşmək, şükür Allaha ki, artıq əvvəlki formamı bərpa etmişəm.

- Ammma formada olmadığın müddətdə də Qurban Qurbanov sənə güvənirdi? Bunun özəl bir səbəb var idimi?

- Qurban müəllim həm yaxşı insan, həm də güclü məşqçidir. Və hər zaman da bizə dəstək olur, ona minnətdaram

- “Qarabağ” bu il avrokuboklara vəsiqə qazanmasa klubda qalacaqsan yoxsa...

- Təbii ki, avrokuboklara vəsiqə qazanmaq əsas məqsədimizdir. Mənim hələ ki, klubla müqaviləm var və bu haqda danışmaq hələ tezdir.

- Ən böyük arzun hansı klubda oynamaqdır? Ümumiyyətlə, belə vir klub varmı?

- Arzusunda olduğum klub yoxdur. Amma təbii ki, Azərbaycanı xaricdə uğurla təmsil etmək istərəm

- Bir az da şəxsi həyatın haqda danışaq. Elvin Məmmədov istirahətini necə keçirir?

- Əslində, istirahətə çox vaxtım olmur. Çox vaxt evdə oluram.

- Şəxsi həyatın nə yerdədi? Sevdiyin qız varmı?

- Hər şey qaydasındadır hələ ki, yoxdur amma olacaq.

- Bizim vasitəmizlə kiməsə etiraf etmək istərdinmi?

- Artıq etirafımı etmişəm

- Nədənsə mətbuatda çox da görünmürsən, bunun səbəbi nədir?

- Mən jurnalistlərdən və efirdən kənarda durmağa üstünlük verirəm. Mənə belə rahatdır.