Əməkdar artist Elza Seyidcahan növbəti "Əldən getdi” adlanan şeirini oxucularına təqdim edib.
Diqqət çəkən məqam isə şeiri hər dəfə öz şəkli ilə paylaşan E.Seyidcahan bu dəfə eşşək fotosu paylaşıb.
Müğənni AZXEBER.COM–a açıqlamasında bunun sirrini açıqlayıb. O eşşəyə
olan sevgisi gizlədə bilməyib. Hətta özün eşşəyə bənzədib.
"İnsan həyatda həmişə əziyyət çəkir. Təhqir zamanı insana eşşək deyirlər. Eşşəyi təhqir etmək düzgün deyil. Həmin adama uyğun ad tapın. Çünki eşşək ən ağıllı, təmiz su içən, gözləri gözəl, zəhmət çəkib insanlara xidmət edən heyvandır. Onu çimizdirməsələr də o özü-özünü təmizləyir. Eşşək çirkab üçün deyil, həmişə yaxşılıq uğrunda çalışıb. Yaxşı niyyətli olub. Mən özüm də özümü eşşəyə bənzədirəm, hamı da gərək eşşək kimi olsun"
Ona görə yeni şeirimi üstündə lalələr olan eşşəklə paylaşdım.
Həmin şeiri sizlərə təqdim edirik:
Kimin üçün isə
Həmişə özümü qorumuşam
Kimə görə isə
Onu həmişə soyutmuşam
Qorxutmuşam, qovrulmuşam
Ancaq onu qorumuşam
Ona görə onu qorumuşam ki,
Gözəlliyim əldən getsin
Getsin, Getsin
Bir də , gördüm
Qorumağa dəyməz artıq
Çünki hər şey əldən getdi,
Getdi, getdi,
Nə qaldıki, bu həyatda?
Kimlər getdi, kimlər qaldı
Kimlər yatdı, kimlər baxdı
Kimlər qaçdı, kimlər satdı
Kimlər yedi, kimlər acdı
Kimlər basdı, kimlər asdı
Kimlər aldı, kimlər verdi
Kimlər çaldı mən oynadım
Kimlər yazdı mən oxudum
Kimlər gəldi mən qaçdim
Kimlər gəldi mən satdım
Kimlər gəldi mən verdim
Kimlər gəldi mən yatdım
Satdım gözəlliklərimi alanlara
Verdim gözəlliklərimi yatanlara
Tökdüm gözəlliklərimi yananlara
Sönsünlər, sönsünlər, yanmasınlar
Qorumağa dəyməz artıq
Gözəlliyim əldən getdi
Gözəlliyim əldə getdi.
Nazim Qasımzadə,
AZXEBER.COM
