Azərbaycan Prezidenti İlham Əliyevin qızı Leyla Əliyeva ilə evli olan Eminin bu evlilikdən Əli və Mikayıl adlı əkiz oğlanları var. Bu günlərdə Emin Ağalarov “Facebook” sosial şəbəkəsində uşaqları ilə bağlı maraqlı şərh yazıb. Sosial şəbəkədə yazdığı şərhlərdə uşaqları barədə hərarətlə qeydlər qoyan Emin oğlanlarının çox gülməli və çevik olduqlarını qeyd edib. “Uşaqlar çox gülməlidirlər. Əlimizdən tutub “ata”, “ana” deyə danışırlar. Öz aralarında isə bir-birilərini “qaqa” deyə çağırırlar. Yəqin “qaqaş” sözündən götürüblər. Uşaqlım çox diribaşdırlar. Ən şən, gülməli, isti keçirdiyim anlar uşaqlarımla keçirdiyim dəqiqələrdi”-deyə Emin Ağalarov yazıb.
Qeyd edək ki, Moskvada Emin Ağalarovun növbəti klipinin çəkilişləri başlanıb. Məşhur klip rejissoru Fil Qriffin Eminin iki mahnsına klip və onun haqqında qısametrajlı sənədli filmini çəkir. Bu barədə Emin Ağalarovun rəsmi saytı məlumat yayıb. “Emin həftədə 15-20 saat kamera qarşısında olacaq. Belə ki, onun oxuduğu “Falling” və Böyük Britaniyada hitə çevrilən “Any Time You Fall” mahnısının videoklipləri çəkiləcək. Bununla paralel olaraq qısametrajlı filmin foto və video çəkilişi aparılacaq”-deyə məlumatda qeyd edilir.
/// MODERN.AZ
