Türkiyənin Kahramanmaraş rayonunda arvadı ilə qaçan əmisi oğlunu öldürən Hasan Adıyamanın məhkəmə prosesi baş tutub.
AZXEBER.COM milli.az-a istinadən xəbər verir ki, prosesə qatılan Sibel Cülfük ifadəsi zamanı "Ərimin günahı yoxdur. Günahkar mənəm, həmişə ona xəyanət etdim" deyib.
Qeyd edək ki, Hasan Mitiler əmisi oğlu Hasan Adıyamanın arvadı Sibel Cülfüklə qaçaraq 50 gün ərzində bir yerdə yaşayıblar. Dedi-qodulardan bezən Hasan Adıyaman arvadından ayrılır və çox keçmir ki, əmisi oğlunu qətlə yetirir.
Adıyaman məhkəmədə "Arvadımın telefonunda əmim oğlunun nömrəsi və mesajlarını gördüm. Bir neçə ay sonra da arvadım və o qaçdı. 50 gün birlikdə yaşadıqdan sonra Kahramanmaraşa geri qayıtdılar. Arvadım da evimizə qayıtdı. Her şey bitdi zənn edərkən, onlar yenidən görüşməyə başladılar. Mən də utandığımdan küçəyə belə çıxa bilmədiyim üçün arvadımdan ayrıldım. Məqsədim onu qorxutmaq idi. Tüfəngdən qəfil atəş açıldı. İstəyərək öldürmədim" deyib.
Proses təxirə salınıb.
