"İqtisadi proqramımızın əsas məqsədi xalqımızın, xüsusən də sabit gəlirləri olanların məruz qaldığı rifah itkisini tez bir zamanda kompensasiya etməkdir".
AZXEBER.COM Türkiyə mətbuatına istinadən xəbər verir ki, bu sözləri Türkiyənin prezidenti Rəcəp Tayip Ərdoğan AK Partiyanın Bursa 8-ci Konqresində çıxış edərkən deyib.
Prezident, öz açıqlamasında bahaçılığın aradan qaldırılmasını təmin etmək üçün millətin qiymət artıran müəssisələri boykot etməsini təklif edib:
"İqtisadi proqramımızın əsas məqsədi xalqımızın, xüsusən də sabit gəlirləri olanların məruz qaldığı rifah itkisini tez bir zamanda kompensasiya etməkdir. Bunun üçün inflyasiya kimi yaşayış bahalığına bəhanə kimi göstərilən məsələləri aradan qaldırmalıyıq. Prioritet inflyasiyanın aşağı salınmasıdır. Çünki inflyasiya dünyanın hər yerində olduğu kimi bizdə də bütün pisliklərin anasıdır. Təbii ki, fürsətçilərin özbaşına qiymət vərdişləri işimizi çətinləşdirir. Azad bazar iqtisadiyyatını istismar edən qrup var. Biz bunların da öhdəsindən gələcəyik. Bu baxımdan ən təsirli üsul millətimizin baha qiymətləri artıranları boykot etməsidir".
Prezident mütləq şəkildə faiz dərəcələrini aşağı salmağı başlayacağını da deyib:
" Vətəndaşlarımızın əsas ehtiyaclarını düzgün şəkildə çatdırmaq üçün yeni mexanizmlər də quracağıq. Ümid edirik ki, biz inflyasiyanın səviyyəsini lazımi səviyyəyə endirəcəyik. Biz mütləq faiz dərəcələrini aşağı salmağa başlayacağıq. 2025-ci il bunun üçün əlamətdar il olacaq. Faiz dərəcələri aşağı düşəndə, inflyasiya da azalacaq".
Oksana
