"Bu gün Səmərqənddə qəbul etdiyimiz Strateji sənəd bizim üçün vacib yol xəritəsidir”.
AZXEBER.COM xəbər verir ki, bunu Türkiyə Prezidenti Rəcəb Tayyib Ərdoğan tviterdə yazıb.
O bildirib ki, Türk Dövlətləri Təşkilatına (TDT) üzv olan ölkə liderlərinin noyabrın 11-də Özbəkistanın Səmərqənd şəhərində keçirilən 9-cu Zirvə görüşündə siyasət, təhlükəsizlik, ticarət, nəqliyyat, enerji, səhiyyə və bir çox başqa sahələrdə əməkdaşlığın daha da gücləndirilməsi barədə müzakirələr aparılıb.
Qeyd edək ki, noyabrın 11-də Özbəkistanın Səmərqənd şəhərində TDT-nin IX Zirvə görüşü keçirilib. Azərbaycan Prezidenti İlham Əliyev tədbirdə iştirak edib.
