Birləşmiş Millətlər Təşkilatının Baş Assambleyasında iştirak etmək üçün Nyu Yorka səfər edən Türkiyə Prezidenti Rəcəb Tayyib Ərdoğan bu gün amerikalı milyarder İlon Maskla görüşüb.
AZXEBER.COM xəbər verir ki, prezident Rəcəb Tayyib Ərdoğan amerikalı milyarder İlon Maskı Teslanın Avropadakı ikinci fabriki üçün Türkiyəyə sərmayə qoymağa dəvət edib.
Rəyasət Heyətindən verilən açıqlamaya görə, Birləşmiş Millətlər Təşkilatının Baş Assambleyasına qatılmaq üçün ABŞ-nin Nyu York şəhərində səfərdə olan Ərdoğan Mask ilə görüşündə Türkiyənin Starlink kommersiya peyk rabitə sistemi və süni intellekt mövzusunda əməkdaşlığa açıq olduğunu bildirib.
Açıqlamaya görə, Mask Türkiyədə Starlink peyk xidmətləri təklif etmək üçün lisenziya almaq üçün türk səlahiyyətliləri ilə işləmək istədiklərini bildirib. Mask həmçinin Ərdoğanın dəvəti ilə sentyabrın 27-də başlayacaq Teknofestdə iştirak etməkdən məmnun olacağını bildirib.
Ayşən
