Boks üzrə Rusiya yığmasının baş məşqçisi Eduard Kravtsov bildirib ki, Ümumdünya Boks Seriyası (WSB) üzrə döyüşlərdə iştirak etmək üçün yaxın zamanlarda yığmanın heyətinə aparıcı rusiyalı idmançılar cəlb olunacaq. ANS PRESS-in Rusiya mətbuatına istinadən verdiyi məlumata görə, Rusiya yığmasının A qrupundakı rəqibləri Azərbaycan, Argentina və Meksika yığmalarıdır.Digər qrupda isə yarımfinala çıxmaq uğrunda İtaliya, Ulkrayna, Qazaxıstan, ABŞ, Almaniya və Böyük Britaniya mübarizə aparır.Rusiya yığmasının heyətində 54 kq çəki dərəcəsində milliyətcə erməni olan Mişa Aloyan da çıxış edəcək. Belə ki, Aloyan 2011-ci ildə Bakıda keçirilən Dünya Çempionatında da iştirak edib və burada qızıl medal qazanıb.E. Kravtsov bildirib ki, Rusiya yığmasının heyətində 61 kq-da Dmitri Polyanski və Vladimir Nikitin, 73 kq-da Andrey Zamkovoy və Artyom Çebotaryov, 85 kq-da Yevgeni Tişşenko və Dmitri Bivol, 91 kq çəkidən artıq kateqoriyada isə Məhəmməd Ömərov və Sergey Kuzmin çıxış edəcək.
