Tədbirdə çıxış edən Elmlər Akademiyasının vitse-prezidenti, millət vəkili İsa Həbibbəyli bildirib ki, bu gün prezident İlham Əliyevin tapşırığı ilə ermənilərin saxtakarlıqları, qondarma erməni "soyqırım”ının ifşası istiqamətində akademiyada ciddi işlər görülüb. O, "Erməni psixologiyası” kitabınıda bu işin tərkib hissəsi kimi dəyərləndirdi və dedi ki, bu səpkidə ilk yazılan kitab xüsusi əhəmiyyət daşıyır. Akademik müəllifə buna görə təşəkkürünü bildirdi və bu istiqamətdə araşdırmaların davamlı olmasını qeyd etdi.
Daha sonra millət vəkili Qənirə Paşayeva çıxış edərək "Erməni psixologiyası”nı ciddi araşdırma işi kimi dəyərləndirdi:” Bu kitab ilk nümunədir və bununla bütün dünyaya ermənilərin əsl kimliyini göstərə bilərik. Hesab edirəm ki, kitab başqa dillərə də tərcümə olunmalıdır. Bununla bağlı artıq işlər həyata keçirilib və yaxın günlərdə "Erməni psixologiyası” kitabı Türkiyədə çap ediləcək”.
Həmçinin, kitabın müəllifi Eldəniz Elgündə çıxış edərək tədbir iştirakçılarına təşəkkürünü bildirdi və yaxın zamanlarda kitabın həm də inglis və rus dilində çap ediləcəyini söylədi.
