Ermənistan Müdafiə Nazirliyinin Hərbi Polisinin rəisi general-mayor Aşot Zakaryan vəzifəsindən azad olunması üçün ərizə yazıb.
Bu barədə "Hraparak” qəzeti məlumat yayıb.
İstefanın Ermənistan ordusunda son dövrlərdə hərbçilərin ölümü ilə bağlı yaranmış vəziyyət fonunda baş verdiyi bildirilir. Baş nazir Nikol Paşinyan daha əvvəl orduda baş verən son ölüm hadisəsindən danışarkən Hərbi Polisdə dəyişikliklərin olacağını açıqlayıb.
Zakaryan Hərbi Polisin rəisi vəzifəsinə 2020-ci il avqustun 6-da təyin edilib.
