Ermənistanda icra nümayəndəsi güllələnib.
Ermənistanın Kotayk vilayətinin Proşyan kəndinin icra nümayəndəsiQraç Muradyanın meyiti tapılıb. APA-nın “Novosti-Armeniya”ya istinadən yaydığı məlumata görə, icra nümayəndəsi gicgah nahiyəsindən aldığı güllə yarası nəticəsində dünyasını dəyişib. Qatilin şəxsiyyəti müəyyənləşməyib. Kənd sakinləri iki atəş səsi eşitdiklərini bildirsələr də, hadisə yerindən gilizlər tapılmayıb. İcra nümayəndəsinin peşə fəaliyyəti ilə əlaqədar qətlə yetirildiyi güman olunur. Qeyd edək ki, Qraç Muradyan Daşnaksütyun partiyasının nümayəndəsidir. Onun qubernator Kovalenko Şahgəldiyanla münasibətlərinin soyuq olduğu vurğulanır.
