Ermənistanın terrorçulardan ibarət “ehtiyat ordu” sevdası suya düşdü: Xarici media erməniləri ifşa etdi

DÜNYA
19:01 16.10.2020
1328

Sentyabrın 27-dən etibarən Ermənistanın silahlı qüvvələri tərəfindən Azərbaycana qarşı təxribatlar davam edir. Hər gün daha da vəhşiləşən, barbarlasan düşmən Azərbaycanın dinc əhalisini, təmas xəttindən çox uzaqda yerləşən mülki yaşayış evlərini artilleriyadan atəşə tutur.

Azərbaycan ordusu isə düşmən hücumuna qarşı əks-hücum, sülhə məcburetmə əməliyyatlarını həyata keçirir.

Azərbaycan ordusunun sülhə məcburetmə əməliyyatlarına başlaması ilə Ermənistan silahlı qüvvələri hərbi texnika, eləcə də canlı qüvvə baxımından çoxsaylı itkilərə məruz qalıb.

 

İndiki halda muzdlu döyüşçülər və terrorçuları cəbhə zonasına daha intensiv şəkildə cəlb etməklə Ermənistan hərbi-siyasi rəhbərliyi orduda şəxsi heyətlə bağlı itkilərin yerini doldurmağa çalışır. Bunun üçün də nə etdiyini artıq bütün dünya ictimaiyyəti bilir.

Düşmən öz iyrənc siyasətini, təxribatlarını həyata keçirmək üçün Livandan çoxlu sayda muzdlu döyüşçünü işğal etdiyi ərazilərə gətirib. Bu faktı Misirli telejurnalist Əla Məğribi "Əl-Ğad” xəbər saytında dərc olunan məqaləsində də qeyd edib. 

Bundan başqa rusiyalı jurnalistlərdən biri özünün məqaləsində Ermənistanla Azərbaycan arasında Dağlıq Qarabağ münaqişəsi çərçivəsində gedən hərbi qarşıdurmalarda düşmən tərəfində vuruşan erməni əsilli, lakin ABŞ, Fransa və hətta Rusiya vətəndaşı olan şəxslərin iştirak etdiyini qeyd edib. Onlar xaricdə yaşayan erməniləri, erməni mənşəli əcnəbiləri "könüllülər” adı altında işğal edilmiş ərazilərə gətiriblər. Bütün bunları Azərbaycan mediası yox, dünya ictimaiyyəti, xarici medianın nümayəndələri yazır.

Bu günlərdə Fransanın "Liberation” qəzetində yenidən bu mövzuya toxunularaq daha bir fakt diqqətə çatdırılıb. Fransada yaşayan erməni, ASALA terror təşkilatının 64 yaşlı üzvü  Jilbert Minasyan Azərbaycana qarşı döyüşmək üçün Ermənistana gəlib. Terrorçu Minasyan özü ilə birgə Fransadan gətirdiyi muzdlu döyüşçülərlə birgə Qarabağdadır. Bütün bunlar onu deməyə əsas verir ki, ermənilərin canlı qüvvəsi ciddi itkilərə məruz qalıb.

Muzdlu döyüşçüləri cəlb etməklə Ermənistan təkcə Azərbaycan üçün deyil, eləcə də bir çox digər dövlətlər, beynəlxalq təhlükəsizlik üçün ciddi təhdid yaradır. Dünya birliyi buna qarşı qətiyyətli addımlar atmalıdır.

Ermənistanın Azərbaycan tərəfindən Suriyadan, Türkiyədən, Liviyadan əsgərlərin vuruşması ilə bağlı iddiaları qısa zamanda ifşa olundu. Bu iddiaları sübut edəcək heç bir dəlil irəli sürülmədi. Ermənilər bu iddialarla Azərbaycan ordusunun gücünü kölgə altına qoymağa çalışırdı. Lakin, bu onların xəyali arzusudur, elə arzu olaraq da qalacaq. Azərbaycan öz daxili resursları hesabına düşmənin işğal altında saxladığı əzəli-əbədi torpaqlarını azad edir və edəcək.

Almaniyanın tanınmış "Der Freitag” qəzetində gedən məqalədə də bu istiqamətdə düşmənin yalanları ifşa olunub. Belə ki, bir neçə gün əvvəl sözügedən qəzetdə "PKK muzdlu döyüşçüləri Dağlıq Qarabağ münaqişəsində” sərlövhəli məqalə dərc edilib. Məqalədə Ermənistanın Suriya və İraqdan PKK terrorçularını işğal altında saxladığı Dağlıq Qarabağa yerləşdirdiyinə dair məlumatların olduğu bildirilir.

Bütün bunlara da inanmayanlar varsa, BBC teleradiosu, eləcə də Rusiyanın "Novaya Qazeta” mətbu orqanında yayımlanan məlumatlara diqqət etmək kifayətdir. Həmin media orqanlarında çalışan jurnalistlərin hazırladıqları materiallarda Ermənistan tərəfindən Dağlıq Qarabağa gətirilmiş muzdlu döyüşçülərlə birbaşa ünsiyyətdə olduqları və onların fikirlərini qeyd etdikləri məlumatlar işıqlandırılıb.

Mövzuya başqa aspektdən toxunulan daha bir yazı isə rusiyalı jurnalist Sergey Leonovun "ura.ru” informasiya agentliyində dərc etmiş olduğu yazıdır. Araşdırma yazısında Ermənistanın Dağlıq Qarabağda döyüşmək üçün muzdlu döyüşçüləri cəlb etməsi ilə bağlı indi də intensiv fəaliyyət göstərdiyini təsdiq edir. Leonov xatırladır ki, Ermənistan bundan əvvəl də eyni təcrübədən istifadə edib. Birinci Qarabağ müharibəsi zamanı Yəməndən Qarabağa gələn məhşur terrorçu Monte Melkonyan bunun ən real nümunəsidir.

Bu gün erməni diaspor və ictimai təşkilatları hələ də Dağlıq Qarabağda vuruşmağa muzdlu "döyüşçülər” toplamaqla məşğuldur. Bu da əsassız məlumat deyil. Bu istiqamətdə "VoMA Center” erməni ictimai təşkilatı aktiv şəkildə belə muzdlu döyüşçülərin toplanmasını həyata keçirir. Hazırda Dağlıq Qarabağa göndərilmək üçün muzdlu döyüşçülər toplayan erməni diaspor və ictimai təşkilatları bu əməllərini açıq şəkildə həyata keçirir. Onlar bunu "ehtiyat ordu” yaratmaqla izah edir.

"Canfəşanlıq” edənlər isə Rusiya erməniləri birliyinin rəhbəri Ara Abrahamyan və Ermənistanın diaspor məsələləri üzrə baş səlahiyyətli nümayəndəsi Zare Sinanyan xüsusi "fəallıq” göstərir.

Məntiqlə düşünsək, bu cür "ağıllı” adıımlar atan Ermənistan, erməni diasporu muzdlu döyüşçülər toplamaqla Rusiya qanunlarını da çox kobud şəkildə pozur.

Xatırlatmaq yerinə düşər ki, Rusiya Federasiyasının Cinayət Məcəlləsinin 208-ci maddəsinə əsasən, ölkə xaricində silahlı qruplaşmaların tərkibində hərbi əməliyyatlarda iştirak etmək 15 ilə qədər həbs cəzası ilə nəticələnə bilər. Bu da belə.

Azərbaycan ordusu 30 ildir işğal altında saxlanılan öz torpaqlarında ərazi bütövlüyününü bərpası üçün mübarizə aparır. Bu Azərbaycanın vətən müharibəsidir. Azərbaycan ordusunun qələbəsidir. Hər kəs əmin olsun ki, Azərbaycan öz haqlı mübarizəsini qalib şəkildə də başa vuracaqdır.

Ölkə başçısının da öz çıxışlarında qeyd etdiyi kimi, Azərbaycan öz torpaqları uğrunda mübarizə aparır və ərazi bütövlüyünü bərpa edəcək.

 

OXŞAR XƏBƏRLƏR

ƏN SON XƏBƏRLƏR

01:30 29.10.2020

Ermənistanın 3-cü ordu korpusunda üsyan

23:46 28.10.2020

Kadırov Makronu sərt tənqid etdi: “Bu mövqeyimə görə vəzifəmi tərk etməyə, həyatımı verməyə hazıram!”

23:34 28.10.2020

İlham Əliyev Türkiyə xalqını təbrik etdi - FOTO

23:28 28.10.2020

İlham Əliyev: “Bu gün baş verənlər Paşinyanın təhlükəli fəaliyyətinin nəticələridir”

23:14 28.10.2020

Qurban Qurbanov: “Çox istərdik ki, oyunlarımızı Qarabağda keçirək” - VİDEO

23:07 28.10.2020

XİN rəhbəri İqnasio Kassislə də telefonda danışdı

23:05 28.10.2020

“Səs eşidən kimi siçovul yuvalarına girirlər” - Prezident dronlardan danışdı

22:58 28.10.2020

“Paşinyan sabah deyər ki, ərazilərimizi azad etmək üçün marslıları gətirmişik”

22:50 28.10.2020

“Sabah bu məsələlərin çoxu aydınlaşacaq” - İlham Əliyev

22:30 28.10.2020

Prezident: “Baza prinsiplərində beş rayonun qaytarılmasını nəzərdə tutan birinci mərhələ aktuallığını itirib”

22:20 28.10.2020

Seyid Abbas Əraqçi: "Biz dinc əhaliyə olan hücumları qətiyyətlə pisləyirik"

21:58 28.10.2020

Bərdəyə düşmən hücumu nəticəsində yuxuda olan körpənin özü yaralandı, atası isə öldü - VİDEO

21:39 28.10.2020

Abbas Əraqçi: "İran Azərbaycan ərazilərinin işğal olunmasına müxalif olub"

21:25 28.10.2020

Ermənilərin Bərdəni raket atəşinə tutmasına görə cinayət işi başlandı

21:09 28.10.2020

İlham Əliyev: "Ermənistan namərd hücumlarla bizim mülki vətəndaşlarımızı hədəfə alıb"

20:42 28.10.2020

İlham Əliyev İran prezidentinin xüsusi nümayəndəsini qəbul edib