Onun meyiti FHN-in xilasediciləri tərəfindən axtarılır
Sabirabad rayonu Muğangəncəli kəndi ərazisində kənd sakini Kür çayında çimərkən batıb. Rayon Prokurorluğundan ANS PRESS-in bölgə müxbirinə verilən məlumata görə, 1994-cü il təvəllüdlü Ramiz Dilavər oğlu Cəbrayılov Kür çayında çimərkən boğulub. Onun meyiti FHN-in xilasediciləri tərəfindən axtarılır. Qeyd edək ki, Ramil Cəbrayılov bu ilin aprelində ordu sıralarına çağırılıb və xəstəliyi ilə əlaqədar 20 günlük evə buraxılıb. Faktla bağlı Sabirabad Rayon Prokurorluğunda araşdırma aparılır.
