“Eurovision-2014” mahnı müsabiqəsinin finalı mayın 10-da keçiriləcək, müsabiqənin keçiriləcəyi şəhər və yer yayın sonunda məlum olacaq. APA-nın məlumatına görə, bu barədə “Eurovision” müsabiqəsinin direktoru Yan Ola Sand bəyan edib. Müsabiqənin icraçı prodüseri Pernelli Qaardbo bütün müsabiqə iştirakçıları üçün uyğun tarix tapmağa çalışdıqlarını deyib. “Eurovision-2014” müsabiqəsinin yarımfinalları mayın 6 və 8-də keçiriləcək. Yarışın Xerninq, Xorsens və ya Kopenhagendə keçirilməsi planlaşdırılır.