"Həmin qadınlar heç həyatın nə olduğunu bilmirlər”.
AZXEBER.COM xəbər verir k, bu sözləri ARB televiziyasında yayımlanan "Tam Vaxtıdır” verlişinin qonağı olan telejurnalist Vüsalə Kərimova deyib.
O, evdar qadınların həyatın nə olduğunu bilmədiyini söyləyib: "İnsan həyatda sıxıla-sıxıla, əzilə-əzilə güclənir. Bütün qadınları güclü hesab etmək olmaz. Evdə rahat oturan qadınların tək dərdi yoldaşının evə gələndə çörək alması, lampanı dəyişdirməsidir. Həmin qadınlar heç həyatın nə olduğunu bilmirlər. Məndən buna görə inciməsinlər. Şəxsən mənim o lampanı dəyişdirmək üçün kiməsə ehtiyacım yoxdur. Özüm nərdivanı qoyub, çıxıram”.
V.Kərimova başına gələn çətinliklərə baxmayaraq, hələ də güclü olduğunu deyib: "Mənim 44 yaşım var, amma o qədər hadisə başıma gəlib ki, sanki 64 yaşım var. Çünki həyatda ağırlıqların hər birini görmüşəm”.
Ayşən Mirzəyeva
