Sabah dünyada Sevgililər Günü qeyd olunacaq. "Sevgililər günü ölkəmizdə qeyd olunmalıdırmı?" "Bu bayram kimlərə şamil olunmalıdır?" bu və digər məsələlərlə bağlı Milli Virtual Kitabxananın rəhbəri, tanınmış kultroloq Aydınxan Əbilov AZXEBER.COM-a müsahibə verib.
- Aydın bəy, sabah bütün dünyada Sevgililər günü qeyd olunacaq. Sizcə bu bayram ən çox kimlərə aiddir, evli adamlar da sevgililər gününü də qeyd etməlidir mi?
- Əvəllər xristianlıqla bağlı bir gün kimi başa düşülsə də, bu bayramı tam gündəmə gətirən və qəbul etdirən Şekspir olub. Onun Romeo və Cülyeto əsəri də bunun üzərində yazılıb. Artıq Azərbaycanda da böyük təmtəraqla qarşılanan bu bayram, əsasən subay gənclər arasında çox yayılıb. Buna baxmayaraq evli şəxslərdə bu bayramı qeyd edə bilərlər. Bir şey ki, sevgidir. Bu da ər və arvadın arasında da olur və düşünürəm ki, onların da bu bayramı keçirməsi normaldır. Ancaq buna baxmayaraq, onlar sırf bu özəl günü gözləməməlidirlər ki, bir birlərini təbrik etsinlər. Hər bayramda, bir birilərinə sevgilərini sübut etməyə, göstərməyə borcludurlar. Keçən il ölkəmizdə baş tutan 83 min evliliyin, 19 mini boşanma ilə nəticələnib. Evliliyinizi əldə saxlamaq üçün bu cür xoş günlərdən istifadə edərək dəyərləndirmək lazımdır. Bu bayramı təkcə subaylar yox, evlilər də qeyd etməlidir.
- Əsasən biz görürük ki, bu cür bayramlarda hədiyyəni kişilər alır və sevgi münasibətlərində kişilər hegemon olur. Nə üçün xanımlar deyil məhz kişilər? Sizcə by gender bərabərliyinin pozulması deyil mi?- Doğru qeyd etdiniz. Son zamanlar bu məsələyə çox tez-tez rast gəlinir. Hansı ki, xanımlar kişilərdən müəyyən bir nəvaziş tələb etsələr də, bunu özləri qismən belə etmirlər. Bu düzgün deyil. Xanımlar bu qədər tələb etmələrinə baxmayaraq, bütün sahələrdə özlərini üstün göstərməyə çalışırlar. Nə üçün bu cür özəl bayramlarda elə məhz kişilər xanımları qonaq aparmalıdır, niyə məhz kişilər xanımlara hədiyyə almalıdırlar? Bunları ancaq kişilərdən tələb edən xanımlar, nə üçün özəl günlərdə ev işlərini kişilərin etməsini tələb edirlər? Ancaq xanımlar da nə isə etdikdə, kişilərə nə isə aldıqda, bu vaxt kişilər qınaq atəşinə tutulurlar. Xoşagəlməz sözlərlə qarşılaşırlar. Ən öndə də bilməliyik ki, kişinin kişi, qadının qadın yeri var. Bir daha qeyd edirəm ki, son zamanlar kişilərin hüquqları daha çox pozulur.
- "Sevgililər günü" cinsi azlıqlar arasında məhəbbətlərə və onların münasibətinə də şamil olunurmu ?
- Sevgi anlayışının cinsə təsiri yoxdur. Ancaq çox təəssüf ki, bizim cəmiyyətdə sevgi dedikdə, intim, sex başa düşülür. Cinsi azlıqların hüququnu pozmaq istəmirəm və onlar üçün ayrı sevgililər gününə də ehtiyac yoxdur. Qoy elə 14 fevral günü onlar da bayram etsinlər.
Ozal İbrahimli
