Amerikada eynicinslilərini nikahını rəsmiləşdirməkdən imtina edən məmur həbs edilib.
ANS PRESS-in məlumatına görə, ABŞ Federal Məhkəməsinin hakimi Kentukki ştatında nikah məmuru vəzifəsində çalışan Kim Devisin həbs edilməsi ilə bağlı qərar çıxarıb.
O, məhkəmə qarşısında eynicinsli cütlüklərin nikahını rəsmiləşdirməkdən imtina etdiyini etiraf edib və səbəb olaraq dini baxışlarını əsas gətirib. Kim Devis dini baxışlarının buna imkan vermədiyi üçün bunu bacarmadığını etiraf edib.
Amerika ştatlarında nikah məmuru vətəndaşların səs verdiyi seçki ilə müəyyən edilir, buna görə də onu yalnız məhkəmə vasitəsilə işdən azad etmək mümkündür.
Hakim məhkəmə Devisin məhkəməyə hörmətsizlik göstərdiyinin işə əlavə olunması və işin araşdırılması barədə qərar çıxarıb. Növbəti məhkəmə iclasına qədər isə Devis nəzarətdə saxlanılacaq.
