Azərbaycanın xalq artisti Faiq Ağayevin sevənlərinə şad xəbərimiz var.AZXEBER.COM-un məlumatına görə, estrada müğənnisinin Heydər Əliyev Sarayının səhnəsində verəcəyi "Vida" adlı solo konsertinin biletləri bu gün saat 14:00-dan satışa çıxarılacaq.Xalq artistinin 25 illik səhnə fəaliyyətinə nöqtə qoyacağı deyilən konsertlər 4 gün - 27, 28, 29, 30 dekabr tarixlərində olacaq. Konsert 4 hissədən ibarət olacaq. Konsertdə 24 mahnı, 3 meqamiks olmaqla 27 musiqi nömrəsi səslənəcək. Xalq artisti konsertdə yeni klipi təqdim edəcək.Tamaşaçılar səhnədə Faiq Ağayevin estradada ilk addımlarından bu günə qədər olan xalq artistini görəcəklər. Yəni konsert xalq artistinin yaradıcılığının bütün dövrlərini əhatə edəcək.Konsertin musiqi rəhbəri Rüstəm Zeynallı, bədii rəhbəri Yaşar Baxışdır. Xalq artisti xüsusi olaraq konsert üçün Azərbaycanın sayılıb-seçilən rəqqaslarından ibarət rəqs qrupu toplayıb.Bek-vokallar, rəqqaslar, musiqiçilər və Faiq Ağayev üçün modelyer Rinat Ramazanov tərəfindən xüsusi geyim kolleksiyası hazırlanıb. Konsertin səhnə dekorasiyası fərqli və möhtəşəm olacaq. 56 nəfər işçi qrupunun üzərində işlədiyi konsertlərin ümumi büdcəsinin 250 min manat civarında olduğu deyilir.
