Xalq artisti Faiq Ağayev koronavirus pandemiyası ilə bağlı müraciət edib.
AZXEBER.COM xəbər verir ki, ifaçı sevənləri üçün çox darıxdığını deyib:
"Neçə vaxtdır ki,sizinlə canlı görüşmürəm. Səhnə üçün, sizin üçün, tamaşaçılar və dinləyicilərim üçün darıxmışam. Siz də iş yeriniz və iş yoldaşlarınız üçün, əzizləriniz və doğmalarınız üçün darıxmısınız.
Şəhərimiz, gəzdiyimiz küçələr üçün darıxırıq. Səbəb də bəllidir- COVİD-19 və pandemiya.
Xalq artisti deyib ki, maska taxmaq, sosial məsafəni qorumaq lazımdır:
"İlk gündən qatıldığım hər bir verilişdə, sosial şəbəkədə əlcək-maska taxmaq, sosial məsafə gözləməyin vacibliyi haqda danışıram. Lakin son günlərin dinamikası heç də ürəkaçan deyil. Sizə təkrar müraciət edirəm.
Bir-birimzi qoruyaq, maska geyinək, əlcək taxaq, sosial məsafəni qoruyaq.
Həkimlərimizin fədakar əməyinə qiymət verək. Ölkə prezidenti və birinci xanım qatıldığı hər bir görüşdə əlcək və maska ilədir. Gəlin şəxsi gözəl nümunəyə biz də hay verək. Bir-birimizi qoruyaq. Görün neçə evin çırağı söndü. Azərbaycan odlar yurdudur. Burda hər bir ocağın çırağın gur yanmalıdır.
Cənab prezident və Mehriban xanım xalqımız naminə yoluxmaların sayının artmaması üçün etdiyiniz böyük əməyi hamı kimi mən də yüksək qiymətləndirirəm.
Bir olaq, yumruq olaq. Çünki biz birlikdə güclüyük".
