Bir neçə gün əvvəl keçirilən "Avroviziya 2025" beynəlxalq mahnı müsabiqəsində Azərbaycan ən yüksək xalı İsrailə verib.
Azərbaycanın bu addımı Türkiyədə sosial şəbəkə istifadəçiləri tərəfindən birmənalı qarşılanmayıb.
Belə ki, onlar bu addımı linç edərək, Türkiyənin bir çox tanınmış simasından məsələyə şərh verməsini istəyiblər.
AZXEBER.COM xəbər verir ki, Türkiyənin tanınmış jurnalisti Fatih Altaylı türk vətəndaşlarının mövzu ilə bağlı ona ünvanladıqları sualları cavablandırıb.
O, Azərbaycanın İsrailə 12 xal verməsini normal qarşılayaraq bunları deyib:
"Azərbaycan niyə İsrailə 12 xal verdi deyə suallar mənə də ünvanlanır. Buna cavab olaraq bildirim ki, Azərbaycanın İkinci Qarabağ müharibəsi zamanı yanında olan iki ölkədən biri İsrail idi. Müharibə dönəmində İsrail Azərbaycana silah-sursat verdi. Bununla yanaşı hər şeydən önəmli olan isə qardaş ölkəyə benəlxalq dəstək oldu. Azərbaycan öz doğma torpaqları olan Qarabağı mənfur düşməndən geri almaq istəyərkən onun yanında İsrail və İsrailin idarə etdiyi dünya mediası olmasaydı Azərbaycanı atdığı addıma görə peşman edərdilər. İsrailin dəstəyinə görə dünya ölkələrinin səsi çıxmadı. Azərbaycan haqqı olan torpaqları aldı. İki ölkə arasında çox gözəl və nümunəvi münasibət var".
Teleaparıcının həmin çıxışını təqdim edirik:
