Rəqqasə Fatimə Fətəliyeva ilə şairə Nazilə Səfərli arasında illərdir davam edən məhkəmə qalmaqalı daha da alovlanıb.
Space Tv-də yayımlanan "Öz aramızda" verilişində qonaq olan Nazilə Səfərli iddia edib ki, Fatimənin həyat yoldaşı vəzifəsindən sui-istifadə məhkəmənin qərarının icra edilməsinə mane olub.
AZXEBER.COM məsələ ilə bağlı Fatimə Fətəliyeva ilə əlaqə saxlayaraq Nazilənin iddialarına cavab istəyib.
Fatimə bildirib ki, məsələdən xəbərsizdir:
"Mən hazırda Bakıda deyiləm. Səsləndirilən iddialardan xəbərsizəm. Bakıya dönən kimi vəkilim məsələ ilə bağlı araşdırma aparıb, açıqlama verəcək".
Xatırladaq ki, tərəflər arasında mübahisəyə səbəb Nazilənin sosial şəbəkədə yazdığı "Bir rəqqasə reklam etdiyim məkanların birinə zəng edib qışqıraraq deyib ki, bizi dəvət etmirsiniz, kobud şairəni reklama dəvət edirsiniz. Əzizim, vaxtında bizim başımızda böyüyümüz olub. Stolların üstündə göbək rəqsi etməyə icazə verməyiblər deyə, incə qala bilməmişik, kobud qalmışıq. Demək istərdim ki, ağır ol, amma ağır olsan dingildədiyin masalar qırılar. Bağışla" sözlər səbəb olub.
N.Səfərli məhkəmədə F. Fətəliyevadan 50 min təzminat istəyib. Bundan sonra Nazilə məhkəmədə qalib gəlib. Lakin Fatimə qarşı tərəflə yaşadığı qalmaqalda özünü haqlı bilərək Apellyasiya Məhkəməsinə müraciət edib. Apellyasiya Məhkəməsində də Nazilə Fatiməyə qalib gəlib. Qərara əsasən, rəqqasə qarşı tərəfdən üzr istəməli və 500 manat təzminat ödəməlidir.
Aysel Hacızadə
