İsrail ordusunun əməliyyat elan etməsindən sonra Rəfahın şərqindəki fələstinlilər köç etməyə başlayıb.
AZXEBER.COM xarici mətbuata istinadən xəbər verir ki, yağışlı havaya baxmayaraq aralarında qadınların və uşaqların da olduğu yüzlərlə fələstinli çanta və ya çantalarda özləri ilə apara biləcəkləri azsaylı əşyalarla yola çıxıblar.
Maşını olanlar öz maşınları ilə, heç bir hərəkət vasitəsi olmayanlar isə Rəfahın şərqindən qərbinə və ya İsrailin "təhlükəsiz" olduğunu iddia etdiyi Əl-Məvasi bölgəsinə doğru hərəkət edib.
Bu arada İsrail ordusunun Rəfah şəhərinə endirdiyi hava hücumunda 8-i uşaq olmaqla 26 fələstinli həyatını itirib.
Səhiyyə mənbələrindən alınan məlumata görə, İsrail ordusu dünən gecədən etibarən Rəfahın müxtəlif bölgələrində təşkil etdiyi hava hücumlarında 11 evi hədəf alıb.
İsrail ordusu bu səhər verdiyi açıqlamada, qaçqın düşmüş fələstinlilərin sığındığı Rəfahın şərqindəki bəzi məhəllələrin boşaldılmasını istəyib.
Qeyd edək ki, təxliyyə edilməli olan Rəfahın şərqindəki bölgədə təxminən 100 min fələstinli yaşayır.
Mikayıl
