2023-cü ilin ilk ayında milli çempionatlarda ən çox qol vurmuş futbolçuları açıqlanıb.
AZXEBER.COM Türkiyə mətbuatına istinadən xəbər verir ki, Beynəlxalq Futbol Tarixi və Statistikaları Federasiyası (IFFHS) 2023-cü ilin ilk ayında milli çempionatlarda ən çox qol vurmuş futbolçuları açıqlayıb. Ay ərzində minimum 5 qol vuran futbolçular sıralanıb.
Sıralamaya görə "Fənərbağça” və "Beşiktaş”ın hücumçuları Enner Valensiya ilə Cenk Tosun da məhsuldarlıqlarına görə seçiliblər. Valensiya 6, Tosun isə 5 qolla diqqət çəkib. Cədvələ 7 qola imza atan finlandiyalı Eetu Vertaynen və panamalı Ronaldo Kordoba şərikli başçılıq edirlər.
Azərbaycan Premyer Liqasından heç kim siyahıya düşməyib. Çünki yanvarda keçirilən iki turda ən çox qol vuran futbolçular rəqib qapılarına cəmi 2 dəfə yol tapa biliblər. Bunlar Musa Qurbanlı ("Qarabağ”), Runi Eva ("Turan Tovuz”) və Coy Lens Mikelsdir ("Sabah”).
Gülay
