Xəbər verdiyimiz kimi, yumor ustası Fərda Xudaverdiyevin "Selfinaz" konsertində qalmaq baş verib.
AZXEBER.COM-un məlumatına görə, konsert gözlənildiyindən də sönük və baxımsız olub.
Belə ki, günlərdir mediaya konsertlə bağlı xəbərlər göndərən, işıqlandırılmasını, müğənnilərdən paylaşılmasını istəyən təşkilatçılar çəkilişə icazə verməyib, jurnalistləri zaldan çıxarıblar. Bundan başqa Fərdanın sənət dostları da onu tək qoyublar, konsertdə çox az adam iştirak edib.
Fərdanın konsertinə içkili halda gəlməsi isə hər kəsi təəcübləndirib. Aktyor o qədər içkili olub ki, jurnalistlərin suallarını cavablandırarkən özünə hakim ola bilməyib və söyüş söyüb: "Bu "Selfinaz"da 18+ səhnələr var mı?" sualına aktyor belə cavab verib:
"Afişada 16+ yazılıb, yəqin elə olacaq. 18+ isə "Sənin ağzını ...” (söyüş söyür red.) deməkdir. 18+ bu deməkdir. Mən bacardıqca onu gizlədirəm. Səhnədə də indiyə kimi gəyirməmişəm”
Fərdanın bu sözləri birmənalı qarşılanmayıb. Daha sonra geri addım atıb və bu sözləri dostyana dediyini deyib.
Jurnalistlər isə tərbiyəsini nümayiş etdirərək içkili halda olan aktyora onun səviyyəsinə uyğun cavab verməyib və digər suala keçiblər.
Aktyor məsəıəylə bağlı axsam.az-a açıqlama verərək, konsertdə baş verənlərə görə üzr istəyib:
"Aprel başlayandan "Yanlış anlama" filminin çəkilişlərindəyəm. Gündüz film çəkilişində oluram, gecələr isə bu konsertə hazırlaşırdım. Evimə getməyə belə vaxtım olmurdu. Çox insanı dəvət etmədiyim üçün məndən incidi. Mənim bir çox şeyləri düşünməyə vaxtım yox idi. Təşkilatçılar tərəfindən jurnalistlərə qarşı edilən hərəkətdən xəbərim olmayıb. Mən heç bir media nümayəndəsinin qolundan tutub bayıra çıxartmaram. Konsertimdə baş verən bütün xoşagəlməz hallara görə üzr istəyirəm. Təşkilatçıların kobudluğuna görə mən üzr istəyirəm və deyirəm ki, bu söhbəti bağlasınlar. Kimlər bu gecəyə mənə görə gəlib, hamıya təşəkkür edirəm".
