Fil sürüsünü qatar vurdu - VİDEO

Hindistanın cənub əyalətin qeyri-adi yol insidenti baş verib. Bubaneşvar şəhərində fil sürüsü dəmiryolxətti yolunu keçən zaman hərəkət edən qatar tərəfindən vurulub. Hadisə nəticəsində 5 fil ölüb. Dəmiryolu qurumunun sözçüsü səhər saatlarında vurulmuş fillərin arasında, kiçik fil balasının da olduğunu bildirib.Vəhşi Təbiətlə iş üzrə Dövlət Departamenti xoşagəlməz yol insidentinə görə dəmiryolu qurumunu ittiham edib. Belə ki, heyvan fəalları, fil sürüsü hərəkət edən zaman qatarların sürəti azaltmalı olduğu haqqında xəbərdalıq etdiyini, qarşı tərəf isə bu xəbərdarlığa saymazyana yanaşdığını iddia edir. Rayonun meşəyə nəzarət xidmətinin rəhbəri telekanala verdiyi müsahibədə meşəbəyilərin sürünün hərəkət etdiyi haqqında dəmiryolunun dispeçer şöbəsinə xəbər verdiyini, bununla belə, ekspress qatar olduqca sürətlə hərəkət etdiyindən qəzanı qabaqlamağın mümkün olmadığını deyib.Heyvan haqları fəalları iddia edir ki, Hindistanda ötən illərdə də oxşar insidentlər yaşanıb. Hadisənin baş verdiyi yer “fil zonası” elan olunması və fillərə aid yol hərəkəti işarələrinin olmasına baxmayaraq, qatarlar həmin yerdən keçən zaman nadir hallarda sürəti azaldır. Qeyd edək ki, Hindistanda 26 minə yaxın filin yaşadığı bildirilir.