Ciudad Juarez həbsxanasından qaçan Los Mexicles bandasının lideri El Neto pusquda öldürülüb.
AZXEBER.COM xarici mediaya istinadən xəbər verir ki, Los Mexicles cinayət sindikatının lideri, "El Neto" ləqəbli Ernesto Alfredo Pinon de la Kruz Meksikanın cinayətkar şəhəri Syudad Xuaresdə polislə atışmada öldürülüb.
Hadisə Aztecas məhəlləsində Tolcetas və Tzetzales küçələri yaxınlığında baş verib.
Ötən bazar günü həbsxanadan qaçan El Netonun da olduğu konvoyu patrulda olan polis dayandırıb. Bu arada polislə dəstə üzvləri arasında toqquşma baş verib.
Los Meksiklsin lideri El Netonu daşıyan zirehli maşın qaçmağa başlayarkən, polis maşını da onun arxasınca düşüb. El Netonun avtomobili yol boyu hərəkətdə olarkən yanacaqdoldurma məntəqəsinə çırpılıb.
Burada ağır yaralanan El Neto prokurorluğa aparılarkən yolda dünyasını dəyişib.
El Neto da daxil olmaqla 20-dən çox məhbus 2023-cü il yanvarın 1-də Ciudad Juarezdə həbsxanada baş verən iğtişaşdan sonra qaçıb. Hadisə zamanı 10 mühafizəçi və 7 məhbus həyatını itirib.
El Netonun öldürülməsindən sonra Ciudad Juarezdən bir-birinin ardınca zorakılıq xəbərləri gəlməyə başladı. İki iş yeri, bir supermarket və çoxlu avtomobil yandırılıb, Baş Prokurorluğun binasına silahlı basqın edilib.
Meksikalı və meksikalı amerikalıların üzv olduğu Los Mexicles təşkilatı ABŞ-ın Texas ştatında və Meksikanın şimalında 1987-ci ildən fəaliyyət göstərir. Xose Markesin qurduğu təşkilatın sonuncu rəhbəri El Neto olub. Dəstə adam öldürmə, adam oğurluğu, oğurluq, narkotik alveri, vandalizm, çirkli pulların yuyulması və miqrant qaçaqmalçılığı kimi bir çox cinayətlərdə iştirak edirdi. Dəstənin qərargahı Çihuahuada, Syudad Xuares şəhərində yerləşir. Barrio Azteca ilə mübarizə aparan Sinaloa Karteli ilə müttəfiqdir və bu kartelin silahlı qanadı kimi tanınır.
Mikayıl
