Mozilla Foundation qeyri-kommersiya birliyi Firefox brauzerinin səkkizinci versiyasını buraxıb. Brauzerin bəyan edilən yenilikləri arasında ona əlavə olunan Twitter mikrobloqlar servisi üzrə axtarış yer alıb. Sözügedən funksiyadan hələlik brauzerin yalnız ingilis, portuqal, sloven və yapon dillərində olan versiyalarında istifadə etmək mümkündür.

Bundan başqa, brauzerdə kənar əlavələrin quraşdırılması mexanizmi dəyişdirilib. İndi istifadəçi belə əlavənin daxil edilməsini özü təsdiq etməlidir. Brauzeri yaddaşda saxlanılan səhifələrin içindəkilərini yükləməməklə işə salmaq imkanı da yaranıb. Səhifələr müvafiq pəncərələrə müraciət etməklə yüklənəcək. Brauzerin açılmasını sürətləndirəcək funksiyanı Firefox-un əsas alətlər hissəsindən işə salmaq olar.

Yeniliklər arasında WebGL və HTML5 ilə işin dəstəklənməsinin yaxşılaşdırılması qeyd edilir. Qeyd olunanlarla yanaşı, Android bazası əsasında işləyən smartfon və planşetlər üçün nəzərdə tutulan Firefox da yenilənib. Mobil qurğu istifadəçiləri brauzerdə saxlanılan məlumatları qorumağa imkan verən master-parol yarada bilərlər. Bundan başqa, onlar kompüterin “iş masası”na birbaşa hansısa sayta keçmək üçün işarə daxil etmək imkanına malikdirlər.