"Şübhəsiz ki, mənim üçün bugünkü qarşılaşmanın favoriti Argentinadı".
AZXEBER.COM apasport.az-a istinadən xəbər verir ki, bu sözləri Argentina futbolunun əfsanəsi Dieqo Maradona deyib.
DÇ-2018-i izləmək üçün Rusiyaya gələn 58 yaşlı veteran bu gün baş tutacaq Fransa - Argentina matçı barədə fikirlərini açıqlayıb: "Lakin mən Fransa yığmasına da çox hörmətlə yanaşıram. Bu komanda çempionluğa namizədlərdən biridi. Onların qapıçısı Uqo Loris həm yığma, həm də klubda yaxşı oyun göstərir. Bu komandanın heyətində Antuan Qrizmann və digər gözəl futbolçular da var".
