Fransa Prezidenti Emmanuel Makron Ukraynaya yüksək dağıdıcı gücə malik yeni uzaqmənzilli raketlər göndərəcəklərini açıqlayıb.
AZXEBER.COM xəbər verir ki, Makron bunu NATO-nun Litvadakı sammiti zamanı jurnalistlərə açıqlamasında bildirib.
O həmçinin İsveçin NATO-ya daxil olması üçün dünən əldə olunan razılaşmanı alqışladığını bildirib.
Makron Finlandiyanın NATO üzvü kimi masa arxasında olmasından xoşbəxt olduğunu da söyləyib.
Fransanın Ukrayna-Rusiya müharibəsi başlayandan bəri NATO-nun şərq cinahında hərbi varlığını gücləndirdiyinə diqqət çəkən Makron 1000 Fransız əsgərinin Rumıniyada, 300 Fransız əsgərinin isə, Estoniyada olduğunu bildirib.
Avropa nəşrləri Fransanın Ukraynaya "SCALP" tipli raketlər göndərəcəyini yazırlar.
Mikayıl
