Fransa prezidenti Emmanuel Makron və ABŞ prezidenti Co Bayden bəyan ediblər ki, İsrail-Livan sərhədində təhlükəsizliyi təmin edəcək anlaşmanı əldə etmək vaxtı çatıb.
AZXEBER.COM xarici mediaya istinadən xəbər verir ki, Makron və Baydenin birgə yazılı bəyanatında 7 oktyabrdan bəri İsrail və Livan arasında qarşılıqlı hücumların xüsusilə son iki həftədə genişləndiyi və münaqişənin mülki şəxslərə zərər vurma riski daşıdığı bildirilib.
Bəyanatda qeyd olunub ki, İsrail-Livan sərhədində təhlükəsizliyi təmin edəcək və mülki vətəndaşların evlərinə qayıtmasına şərait yaradacaq anlaşma əldə etməyin vaxtı çatıb və bu səbəbdən də son günlərdə bu istiqamətdə birgə danışıqlar aparılıb.
Cəmalə
