Fransada bir gündə 800 nəfər koronavirusdan öldü

DÜNYA
22:46 06.04.2020
903
Fransada koronavirusa yoluxanların sayı 98 010 nəfərə çatıb.

AZXEBER.COM İtaliya mətbuatına istinadən xəbər verir ki, bunu Fransanın Səhiyyə naziri Olivye Veran deyib.

Onun sözlərinə görə, ölkədə COVID-19 infeksiyasından ölənlərin sayı 8 911 nəfər təşkil edib.

Belə ki, son 24 saat ərzində ölkədə 800 nəfər pandemiyanın qurbanı olub.

Nazir əlavə edib ki, vəziyyəti ağır olan 7 072 nəfər reanimasiya şöbəsindədir.

Koronavirus ilk dəfə 2019-cu ilin dekabrında Çinin Uhan şəhərində aşkarlanıb. Ümumdünya Səhiyyə Təşkilatı COVID-19-u pandemiya elan edib.

OXŞAR XƏBƏRLƏR