4 müsəlman din adamnının Parisə girişi qadağan edilib
AZXEBER.COM-un “trtazerbaycan”a istinadən verdiyi xəbərə görə, Fransa Tuluzadakı qanlı hadisələrdən sonra müsəlman din adamlarına qarşı mövqeyini sərtləşdirib. Paris İslam Təşkilatları Birliyinin toplansıtında iştirak edəcək 4 imamın ölkəyə girişinə qadağa qoyub. Bu şəxslərdən ikisinin Səudiyyə Ərəbistanından, birinin Misirdən, birinin isə Fələstindən olduğu bildirilib.
Fransa Xarici İşlər və Daxili İşlər Nazirliyinin birgə bəyanatında bu şəxslərin cihad çağırışları etdikləri, nifrət ifadə edən sözlər işlətdikləri, Fransanın dəyərlərinə ziyan vurduqları, dövlət təhlükəsizliyini təhdid etdikləri vurğulanıb.
Şengen müqaviləsinə daxil olan ölkələrdən İsveçrənin pasportunu daşıyan Tarık Ramazanın toplantıda iştirakına mane olmaq isə mümkün olmayıb. Bəyanatda Ramazanın gələn həftə Parisdə keçiriləcək İslam Təşkilatları Birliyi toplantısında iştirakından ciddi narahatlıq keçirildiyi bildirilib.
Fransanın təhlükəli saydığı bir qətərli və bir misirli imam isə Parisə getməkdən öz istəkləri ilə daşınıblar.
86 yaşlı qətərli imam Karadavinin Fransa tərəfindən təhlükəli sayılması Beynəlxalq Üləmalar Birliyi tərəfindən təəccüblə qarşılanıb. Karadavinin rəhbərlik etdiyi birlik yaydığı rəsmi açıqlamada imamın mülayim düşüncəli olduğunu, Ərəb Baharını dəstəklədiyini, Suriya müxalifətinə yardım etdiyini bildirib. Agentliklər isə Karadavinin 1999-ci ildən ABŞ-a, 2008-ci ildən də İngiltərəyə girişin qadağan edildiyini xəbər verir.
