12:02 Bazar Ertəsi, 14 Oktyabr 2019
SOSİAL

Fuad Əsgərov: "Qan donorluğunun təbliği məktəblərdən aparılmalıdır"

17:14, 15.09.20195895
Fuad Əsgərov:

"Qan donoru olmaq  insan mənəviyatına rahatlıq verən və mərhəmət hissi oyadan bir addımdır. Övladlarımız bu xeyirxah addıma məktəb illərindən cəlb edilməlidir. Onlar özlərini gələcəyin xilaskarı kimi görməlidirlər".
 
AZXEBER.COM xəbər verir ki, bu sözləri Qan Donorları Assosiasiyasının sədri Fuad Əsgərov müsahibəsi zamanı bildirib.
 
- Ölkədə hazırda qan donorluğunun vəziyyəti nə yerdədir? Öncəki illərlə müqayisədə müsbət hansı dəyişiklikləri qeyd edə bilərsiz ?

- Əslində tam səmimiyətiylə deyə bilərəm ki, qan donorluğu ölkədə sürətlə inkişaf edir.  Buna əsas səbəblərdən biridə insanlar arasında təbliğat kompaniyalarının düzgün aparılması və Mərkəzi Qan Bankının şəffaf çalışmasıdır. Vətəndaş cəmiyyəti də təbii ki, müstasna rola  malikdir. Məslən Qan Donorları Assosiasiyası avqust ayında 5 gün ərzində Qan Donorluğunu əhatə edən XIX Beynəlxalq Gənclər Forumuna ev sahibliyi etdi. 30-a yaxın ölkənin donorluq sahəsində fəaliyyət göstərən milli cəmiyyətləri və təşkilatları ölkəmizə gəldi və  təcrübə mübadiləsi aparıldı. Bu bizə gözəl  imkanlar qazandırdı. Beynəlxalq təcrübədən faydalanmaq bizə çox vacibdir. Etiraf etmək istəyirəm ki, hazırda bir çox inkişaf etmiş ölkələrlə qan donorluğuna müsbət təsir olacaq layihələr üzərində işləyirik. Bunlardan biridə qan donoroluq məktəbidir. Bütün bu fədakarlıqlar yaxın zamanda cəmiyyətin sağlam inkişafı üçün vasitə olacaqdır.

-Beynəlxalq əməkdaşlıq və layihələrdən söhbət açdınız. Bu haqda bizə daha ətraflı məlumat verərdiniz?

- Məlumat üçün bildirim ki, XIX Beynəlxalq Gənclər Forumu ərəfəsində Azərbaycanda Beynəlxalq Gənclər Komitəsinin (İYC) yeni idarə heyəti seçkiləri oldu. Qan Donorları Assosiasiyasının xarici əlaqələr üzrə deportamentinin koordinatoru Nərmin Rəhimova  Beynəlxalq Gənclər Komitəsinin 3 illik prezidenti seçildi. Bu ölkəmiz və fəaliyyətimiz üçün böyük bir uğur idi. Artıq digər ölkələrin qan bankları ilə əməkdaşlıq sazişləri haqında danışıqlara start vermişik. Qısa zamanda öz effektliyini göstərəcəkdir. 

- Bu qədər uğurun qısa zamanda qazanılmasına çox sevindik. Sosial şəbəkələrin birində qanvermə öncəsi donorların psixoloji hazırlıq təlimlərinə cəlb olunması ilə bağlı paylaşıma rast gəlmişdik. Bu haqda daha ətraflı bölüşə bilərsiniz?

- Bu dünya təcrübəsinə əsaslanan bir addımdır. Heç kəsə sirr deyil ki, bir çox insanların qırmızı rəngə və ya qana qarşı narahatlıq hissləri var. Bunun sağlamlıqla heç bir əlaqəsi yoxdur sadəcə şüraltı ani qorxu hissindən qaynaqlanır. Baku Psycholgy School ilə memorandum bağlamaq qərarına gəlmişik. Bizə qanvermə aksiyası üçün müraciət edəcək dövlət qurumları və ya şirkətlərdə Baku Psychology Schoolun peşəkar psixoloqlar tərəfindən motivasiya verici təlimlərlə cəlb olunacaqlar. Bu təcrübə ölkədə ilk dəfə tədbiq olunacaqdir.
 


XƏBƏR LENTİ