Türkiyənin həvəskar liqa komandalarından olan "Turgutluspor" baş məşqçi postuna 22 yaşlı Zeynep Mestanı gətirib.
AZXEBER.COM Türkiyə mediasına istinadən xəbər verir ki, gənc mütəxəssisin təyinatı Türkiyə futbolunda diqqət çəkən hadisələrdən biri kimi qiymətləndirilib.
Mestan bu vəzifəyə təyin olunmaqla klub tarixində və yerli futbol mühitində ən gənc baş məşqçilərdən biri kimi diqqət mərkəzinə düşüb.
2004-cü il doğumlu Zeynep Mestan futbola ilk dəfə 2019-cu ildə "Karşıyaka" Bədən Tərbiyəsi və İdman Təhsil Mərkəzi Spor klubunun formasını geyinməklə başlayıb. Daha sonra o, karyerası ərzində Konak Belediyespor, Bornova Hitab Spor, Soma Zafer Spor və Bornova Genç Yıldızlar Spor komandalarında çıxış edib.
