İngiltərənin "Tottenhem Hotspur" klubunun yarımmüdafiəçisi, uelsli Qaret Beylin İspaniyanın "Real" (Madrid) klubuna transferi ilə bağlı danışıqlar başa çatıb.
"Tottenhem" və "Real" bütün sənədləri imzalayıblar.
Beyl üçün "kral klubu" "mahmızlılar"a 86 milyon funt-sterlinq ödəyib.
24 yaşlı futbolçu "Real"da ildə 10 milyon avro maaş alacaq.
Uels yığmasının oyunçusu ilə müqavilə 6 il müddətinə imzalanıb. Bundan başqa, müqavilənin şərtlərinə görə, imic hüquqlarının 60 faizi Beyldə qalıb.
Halbuki əvvəllər "Real" futbolçularının heç biri imic hüquqlarının 50 faizindən artıq deyildi.
"Tottenhem" klubunun baş məşqçisi Andre Villaş-Boaş transferi təsdiqləyib.
Bununla da dünya futbol tarixində yeni transfer rekordu vurulub.
"Real"ın yeni oyunçusunun rəsmi təqdimat mərasimi sabah, "Santyaqo Bernabeu" stadionunda olacaq.
"Tottenhem"in heyətində 203 matçda meydana çıxmış Qaret Beyl 56 qol vurub, qolla başa çatan 58 ötürmə edib.
17 yaşından etibarən Uels yığmasının heyətində oynayan Qaret Beylin millidə debütü EURO-2008-də, 2006-cı ilin oktyabr ayında olub. Q.Beyl Uels yığmasının heyətində 41 matçda 11 qol vurub.
2006-cı ildə dünya futbol tarixinin ən bahalı transferi "Real"ın İngiltərənin "Mançester Yunayted" klubundan 94 milyon avroya Kriştianu Ronaldonu satın alması olmuşdu.//milli.az
