Gənc müğənni Aynişan Quliyeva mahnı festivalı təşkil edəcək
MAQAZİN
11:35 28.11.2012
5368
Azərbaycanın əməkdar artisti Aybəniz Haşımovanın qızı, müğənni Aynişan Quliyeva, müəllifi olduğu yeni layihəsi haqqında danışıb.AZXEBER.COM-un məlumatına görə, gənc müğənni mədəniyyət katibi olduğu layihəsini, “İslahatçı Gənclər” İctimai Birliyinin dəstəyi ilə 2013-cü ildə təqdim edəcəyini bildirdi: “Yeni layihə üzərində çalışıram. Layihə mahnı festivalı ilə bağlıdır. Layihənin rəhbəri özüməm və üzümüzə gələn il təqdim edəcəm. Hələ Azərbaycanda belə bir layihə olmayıb”.Aynişan ən son ifa etdiyi sözləri millət vəkili Qənirə Paşayevaya, musiqisi isə xalq artisti, bəstəkar Oqtay Kazımiyə məxsus olan “Ağla mənim üçün bu şəhər” mahnısının ona uğur gətirməsiylə bağlı təəssüratlarını bölüşüdü: “Mahnı dinləyicilər tərəfindən çox rəğbətlə qarşılandı. Mahnının təbliğatı çox olmadı. Sadəcə olaraq, internet saytlarında yayımlandı və dinləyicilərin çox xoşuna gəldi. Buna görə, çox sevinirəm. Çünki mahnını geniş təqdimat etməyərək, nəticəsi uğurlu oldu. Mahnı məni başqa ampulada göstərdi. Heç vaxt belə ağır üslubda mahnı ifa etməmişdim. Sevgi mövzusunda mahnı ifa etsəm də, yüngül üslubda oldu”.
